“ӨЛЗИЙ ЭНВАЙРОНМЕНТАЛ” ХХК

КОМПАНИЙН ТУХАЙ

“ӨЛЗИЙ ЭНВАЙРОНМЕНТАЛ” ХХК нь 2020 онд үүсгэн байгуулагдсан бөгөөд уул уурхай, дэд бүтэц болон хөгжлийн төслүүдийн төлөвлөлт, барилга байгууламж, ашиглалт, хаалтын бүх үе шатанд байгаль орчныг хамгаалах, сөрөг нөлөөллийг бууруулах, нөхөн сэргээх цогц зөвлөх үйлчилгээг үзүүлж ирсэн.

Бидний үйл ажиллагаа нь байгаль орчны хууль, журам, стандартыг чанд мөрдөхөөс гадна олон улсын сайн туршлагад нийцсэн, шинжлэх ухаанд суурилсан, тогтвортой шийдлүүдийг санал болгоход чиглэгддэг. Манай хамт олон нь байгаль орчны салбарт олон жилийн туршлага, мэдлэгтэй салбартаа хүлээн зөвшөөрөгдсөн зөвлөх инженерүүд, мэргэжилтнүүдээс бүрддэг.

Бид нөхөн сэргээлт, экологийн тэнцвэрийг сэргээхэд чиглэсэн орчин үеийн техник, технологи, шинэлэг аргачлалуудыг үйл ажиллагаандаа бүрэн нэвтрүүлж, харилцагч байгууллагуудын байгаль орчны эрсдэл, сорилтыг хамтран шийдвэрлэхэд байгальд ээлтэй, тогтвортой хөгжлийг дэмжих бодит үр дүнтэй шийдлүүдийг санал болгож хамтран ажиллаж байна.

БИДНИЙ ТУРШЛАГА

175 Га

Эвдэрсэн газрын нөхөн сэргээлтийн ажил

(Биологийн болон техникийн нөхөн сэргээлт)

3 Төсөл

Мод үржүүлэх, ойжуулах технологи инновацын туршилт, хөгжүүлэлт

2 Төсөл

Байгаль орчны үнэлгээ менежментийн зөвлөх үйлчилгээ

5 Төсөл

Байгаль орчны хяналт шинжилгээ

2 Төсөл

Биологийн төрөл зүйлийн судалгаа, менежментийн төлөвлөгөө

5 Төсөл

Ойжуулах, ойг нөхөн сэргээх судалгаа, зураг төсөл

8 Төсөл

Мод үржүүлгийн газар байгуулж ашиглалтад оруулах төслийн ТЭЗҮ

5 Төсөл

Уурхайн нөхөн сэргээлт, хаалтын менежментийн төлөвлөгөө

МАНАЙ САНАЛ БОЛГОХ ҮЙЛЧИЛГЭЭ

Эвдэрсэн газрын нөхөн сэргээлт хийх

Байгаль орчныг хамгаалах, нөхөн сэргээх туршилт, судалгаа

Байгаль орчны нөлөөллийн үнэлгээ

Байгаль орчны мониторинг (ОХШХ)

Байгаль орчны менежментийн зөвлөх үйлчилгээ

Уурхайн нөхөн сэргээлт, хаалтын менежментийн төлөвлөгөө

Ойжуулалт, МҮГ-н төлөвлөлт, судалгаа , туршилт

Ойн менежментийн зөвлөх үйлчилгээ

Орон нутгийн харилцаа, компанийн нийгмийн хариуцлагын зөвлөх үйлчилгээ

ЭРХЭМ ЗОРИЛГО

Бид захиалагч, хамтрагч байгууллагынхаа үйл ажиллагаа, онцлогт тохирсон байгаль орчныг хамгаалах, нөхөн сэргээх, сөрөг нөлөөллийг бууруулахад бодит байдалд хэрэгжихүйц шийдэл гарган тогтвортой хамтран ажиллана.

БИДНИЙ ҮНЭТ ЗҮЙЛ

Манай байгууллагын ажилтнууд, мэргэшсэн мэргэжилтнүүд, зөвлөхүүд
Бидний харилцагч, хамтрагч байгууллагууд
Харилцагчийн хэрэгцээ, шаардлагад нийцсэн цогц үйлчилгээ

МАНАЙ ҮЙЛЧИЛГЭЭНИЙ ЦАР ХҮРЭЭ

Бид захиалагч байгууллагын хэрэгжүүлж байгаа төслийн үйл ажиллагаанд ТЭЗҮ боловсруулах үе шатнаас эхлэн төслийн бүтээн байгуулалтын үе шат, төслийн урт хугацааны үйл ажиллагаа болон хаалт хүртэлх хугацаанд байгаль орчныг хамгаалах, нөхөн сэргээх чиглэлээр цогц үйлчилгээ үзүүлж урт хугацаанд тогтвортой хамтран ажиллаж байна.

Төслийн БОНҮ, БОМТ, биологийн олон янз байдлын судалгаа, мониторинг хийх
Уурхайн хаалт, нөхөн сэргээлт, ойжуулалтын төлөвлөлт, зураг төсөл боловсруулах ба гүйцэтгэлийн мониторинг хийх
Нөхөн сэргээлт, ойжуулалт, байгалийн болон модлог ургамал үржүүлэхэд зориулсан судалгаа хөгжүүлэлт, туршилт (R&D) хийх
Эвдэрсэн газрын биологийн болон техникийн нөхөн сэргээлтийн ажил гүйцэтгэх, арчлан ургуулах
Ойжуулалт, ойн менежментийн зөвлөх үйлчилгээ
Төслийн БОНЗ, нийгмийн хариуцлагын зөвлөх үйлчилгээ

МАНАЙ МЭРГЭЖЛИЙН БАГ ХАМТ ОЛОН

Д. ӨЛЗИЙБАЯР

Бакалавр (Ой судлал), Бизнесийн удирдлагын магистр (MBA) , Үүсгэн байгуулагч | Захирал

Ш. ДЭЛГЭРСАЙХАН

/PhD/, Бакалавр (Хөрс судлаач) | Магистр (Химийн инженер технологи), Доктор (Хүрээлэн буй орчны химийн инженер)

Х. БИЛГҮҮН

Бакалавр (Ойн судлал), Магистр (Биологи)

Р. МӨНХБАЯР

Бакалавр Ойн инженер, Уурхайн нөхөн сэргээлтийн технологи

Ц. МЯДАГМАА

MSc Байгаль орчны инженер

Э. БАТТУЛГА

Бакалавр Байгаль орчны хяналт, үнэлгээ

Б. ОЧИРХУЯГ

Бакалавр Ойн инженер

БУ. ТҮВШИНЖАРГАЛ

Бакалавр Нөхөн сэргээлт

Б. БУЯНЖАРГАЛ

Бакалавр Хөдөө аж ахуйн машин механизм

БА. ТҮВШИНЖАРГАЛ

Бакалавр (Үйлдвэрлэлийн экологи), Магистр (Физик экологи)

БАЙГАЛЬ ОРЧНЫ СУДАЛГАА, ХЭМЖИЛТ, МОНИТОРИНГ

БАЙГАЛЬ ОРЧНЫ ХЯНАЛТ ШИНЖИЛГЭЭНИЙ ИЖ БҮРЭН ҮЙЛЧИЛГЭЭ

Бид уул уурхайн төслүүдийн талбайд улирал тутмын болон жил тутмын байгаль орчны мониторингийн ажил гүйцэтгэх үйлчилгээ үзүүлж байна

Уул уурхайн төслийн байгаль орчны хяналт шинжилгээ (ОХШХ)
Биологийн олон янз байдлын мониторинг
Нөхөн сэргээлт, ойжуулалтын мониторинг
Туршилт, судалгааны ажлын хяналт мониторинг
Шимт, шимэрхэг хөрсний чанарын мониторинг

ДРОН АШИГЛАН ГҮЙЦЭТГЭХ БАЙГАЛЬ ОРЧНЫ СУДАЛГАА, МОНИТОРИНГ

Дроны зураглал нь байгаль орчны судалгаа, мониторингийн өндөр үр дүнтэй аргачлал бөгөөд нарийвчлалтай орон зайн мэдээллийг боловсруулан байгаль орчны менежмент, нөхөн сэргээлт, хамгаалалтын шийдвэр гаргалтыг дэмждэг чухал хэрэгсэл юм.

Манай дронд суурилсан байгаль орчны судалгаа, мониторингийн үйлчилгээ дараах чиглэлүүдийг хамарна:

ArcGIS, QGIS, Pix4D зэрэг мэргэжлийн программ ашиглан орон зайн болон байр зүйн баталгаатай өгөгдлийг боловсруулж, зураглал хийх
Ойжуулалт, нөхөн сэргээлтийн төслийн талбайг нарийвчлан төлөвлөх, гүйцэтгэлийн хяналт, өсөлт ургалтын мониторинг хийх
Ургамлын бүрхэвчийн төлөв байдлыг тодорхой давтамжтайгаар үнэлэх, өөрчлөлтийг хянах
Байгаль орчныг хамгаалах, нөхөн сэргээх, сөрөг нөлөөллийг үнэлэх, бууруулах чиглэлийн бусад төлөвлөлт, мониторингийн ажлуудыг гүйцэтгэх

Энэхүү дэвшилтэт технологи нь байгаль орчны төлөв байдлыг бодитойгоор үнэлж, экосистемийн тэнцвэрт байдалд суурилсан шийдвэр гаргах үндэс болдог.

БАЙГАЛЬ ОРЧНЫ СУДАЛГАА, ХЭМЖИЛТ, МОНИТОРИНГИЙН БАГАЖ ХЭРЭГСЭЛ

TSI Dust Trak 8533 DRX Aerosol Monitor (PM1.0, 2.5, 10.0, TPM) - Агаарын тоосжилт хэмжигч багаж

Aeroqual Ranger - Portable Air Quality Monitor - Агаарын чанар, тоосжилт хэмжилтийн багаж

IN-SITU dipper Water level meter 100m, 30m, Water sampling BAILER - Гүний усны түвшин хэмжигч-100, 30 метр, ус дээжлэгч

PALINTEST 8000 photometer, усны чанарын шинжилгээний зөөврийн багаж

Хөрсний дээжлэгч, хөрсний нягт pH хэмжигч, хөрсний хэв шинж тодорхойлогч багаж

EVO II Drone

DJI Mavic 3 Multispectral-RTK

Garmin Oregon 750 GPS

ЭВДЭРСЭН ГАЗРЫН НӨХӨН СЭРГЭЭЛТ

Бид Монгол улсын болон олон улсын стандартын дагуу эвдэрсэн газрын нөхөн сэргээлтийг гүйцэтгэхдээ хүн, мал, амьтанд аюулгүй болгон хэлбэршүүлж, байгалийн унаган төрхөд ойртуулан шинжлэх ухааны үндэслэлтэй дэвшилтэт арга зүй, шинэлэг технологиудыг ашиглаж байна.

Эвдэрсэн газрын нөхөн сэргээлтийн цогц үйлчилгээг үзүүлэхдээ дараах үндсэн аргачлалуудаар хийж гүйцэтгэж байна. Үүнд:

Эвдэрсэн газрын техникийн нөхөн сэргээлт

Аюулгүй болгох, хэлбэржүүлэх
Налуугийн тогтворжилтыг хангах
Хөрсний үржил шим нэмэгдүүлэх

Биологийн нөхөн сэргээлт

Нутгийн ургамлын суулгац тарьж ургуулах
- Далд үндэстэй суулгац, Ил үндэстэй суулгац
Нутгийн ургамлын үр тарьж ургуулах
- Усан үрлэгээ (Hydroseeding)
- Хуурай үрлэгээ (Drill seedling)
- Үрийн бөмбөлөг (Seed ball)

Манай байгууллагын нөхөн сэргээлтийн ажил гүйцэтгэх арга, технологиуд нь дээрх аргачлалуудаар хязгаарлагдахгүй бөгөөд би цаашид уур амьсгалын өөрчлөлтөд дасан зохицсон шинэ, шинэлэг арга технологиудыг ашиглан гүйцэтгэх туршилт судалгааны ажлуудыг амжилттай гүйцэтгэж байна.